அர(ரி)சியல்

கலைஞர் அறிவிப்பு
தேர்தல் அறிக்கையை வெளியிட்ட தி.மு.க., நாங்கள் ஆட்சிக்கு வந்தால் ஒரு கிலோ அரிசியை ரூ.2-க்கு வழங்குவோம் என்று அறிவித்தனர். அதாவது ரேசன் கடைகளில் 20 பகிலோ அரிசியை ரூ.40-க்கு வாங்கி கொள்ளலாம் என்று கூறப்பட் டது. ரேசன் அரிசியை கிலோ ரூ.2-க்கு விற்பதாக இருந் தால் மாநில அரசுக்கு ஆண் டுக்கு கூடுதலாக ரூ.600 கோடி செலவாகும் என்று மதிப்பிடப்பட்டது என்றாலும் தி.மு.க. ஆட்சியை பிடித்தால் இந்த திட்டத்துக்கு முதல் கை யெழுத்து போடுவேன் என்று கருணாநிதி அறிவித்திருந்தார். இதனால் தி.மு.க.வினர் ரூ.2 -க்குப ஒரு கிலோ அரிசி என்று உற்சாகமாக பிரசாரம் செய்து வந்தனர்.

இந்த திட்டமும் இலவச கலர் டிவி திட்டமும் ஏழைகளுக்கு நன்றாக போய் சேர்ந்துள்ளது. இதனால் திமுகவிற்கு கொஞ்சம் பலம் வந்துள்ளது என்பது உண்மை.

ஜெ தடாலடி அறிவிப்பு

இந்த நிலையில் முதல்- அமைச்சர் ஜெயலலிதாபரேசன் அரிசி தொடர்பாக நேற்று தடாலடி அறிவிப்பு ஒன்றை வெளியிட்டார். அதாவது அ.தி.மு.க. மீண்டும் ஆட்சிக்கு வந்தால் ரேசன் கடைகளில் வழங்கப்படும் 20 கிலோ அரிசியில் 10 கிலோ அரிசியை இலவசமாகவும், 10 கிலோ அரிசியை ரூ.35-க்கும் வாங்கிக் கொள்ளலாம் என்று அறிவித் துள்ளார்.

எனவே அ.தி.மு.க. மீண்டும் ஆட்சிக்கு வந்தால் 20 கிலோ ரேசன் அரிசி வாங்க ரூ.35 கொடுத்தால் போதும். இது தி.மு.க. அறிவித்துள்ள விலை யைவிட ரூ.5 குறைவு. ஜெயலலிதா அறிவிப்பு காரணமாக ஏழைகளுக்கு இன்னொரு பெரிய நன்மை யும் கிடைத்துள்ளது. அதாவது அ.தி.மு.க. மீண்டும் ஆட்சிக்கு வந்தால், ரேசன் கடைகளில் ஒரு கிலோ அரிசியை ஏழை- எளிய மக்கள் ரூ.1.75-க்குë வாங்க முடியும். தி.மு.க. ஒரு கிலோ அரிசியை ரூ.2-க்கு கொடுப்பதாக கூறியது. ஆனால் அதையும் விட 25 பைசா குறைவாக அரிசி வழங்க அ.தி.மு.க. முன்வந்துள்ளது.

திருமா பாராட்டு

முதல்-அமைச்சர் புரட்சித் தலைவி 20 கிலோ அரிசி வாங்குபவர்களுக்கு 10 கிலோ இலவச அரிசி வழங்கப்படும் என்று அறிவித்துள்ள திட் டம் மக்களிடம் அமோக வரவேற்பை பெற்றுள்ளது. இந்த அறிவிப்பினால் தி.மு.க.கூட்டணி கட்சிகள் அதிர்ச்சியில் உறைந்துள்ளன. தி.மு.க.வின் வாக்கு வங்கி கணக்குகள் இந்த தேர்தலில் எடுபடாது.


கலைஞர் பதில்

சென்னை அண்ணா அறிவாலயத்தில் இன்று கருணாநிதி செய்தியாளர்களிடம் பேசுகையில்,

திமுகவின் தேர்தல் அறிக்கையில், 2 ரூபாய்க்கு கிலோ அரிசி என்றோம். அதை அதிமுகவும், அவர்களுடைய புதிய தோழர் மதிமுகவும் கடுமையாக விமர்சித்தனர். இப்படியெல்லாம் செய்ய முடியுமா என்று ஏளனம் பேசினர்.

இப்போது 10 கிலோ அரிசி இலவசமாக வழங்கப்படும் என அம்மையார் அறிவித்துள்ளார்.

இது ஒரு கொள்கை முடிவு அல்ல, பயனற்ற அறிவிப்பு, ஏமாற்று வேலை.

கிலோ அரிசி 2 ரூபாய் என்று திமுக கூறியதை கடுமையாக விமர்சித்த வைகோ ஜெயலலிதாவின் அறிவிப்பை வரவேற்பாரா? அப்படியானால் அவருக்கு இது சரியான மூக்கறுப்பாகும் என்று கூறினார் கருணாநிதி.

Update 19/04/06
வைகோ ரெஸ்பான்ஸ்

ஒரு கிலோ அரிசி 2 ரூபாய்க்கு தருகிறேன் என்றீர்களே, 2 ரூபாயில் இருந்த அரிசி விலையை 3.50 ஆக்கியதே நீங்கள் தான், 1999 ல். ரேசன் அரிசி விலையை உயர்த்தியதே கருணாநிதி தான். நம்முடைய பொது மக்களுக்கு கருணாநிதி என்றாலே 72 லிருந்து ஞாபகம் வருவது மக்கா சோளமும், கப்ப கிழங்கும் தான் என்று நாட்டில் பரவலாக எல்லோராலும் ஏற்றுக் கொள்ளப்பட்டிருக்கிற உண்மை.

இந்த சூழ்நிலையில் நான் நேற்று ஒரு கருத்தை சொன்னேன், மத்திய அரசு 2 ரூபாயை குறைத்தால் நாங்கள் எல்லாம் சேர்ந்து முதல்-அமைச்சரிடம் ஒரு கிலோ அரிசி ஒரு ரூபாய்க்கு போடச்சொல்லி கேட்கலாம் என்று பேசிக் கொண்டிருந்தேன்.

அப்படி பேசிக் கொண்டிருந்த போதே ஒரு துண்டு சீட்டு வந்தது. ஆண்டிப்பட்டியில் முதல்-அமைச்சர் அறிவித்து விட்டார்கள், 10 கிலோ அரிசி வாங்கினால், 10 கிலோ அரிசி இலவசம். தி.மு.க. வட்டாரம் நேற்று இரவில் இருந்து ரொம்ப திணறிப் போய் இருக்கிறது.

அரிசி திட்டங்களை இப்போது அறிவிப்பது ஏன்? சுஷ்மா கேள்வி

தமிழகத்தில் 5 ஆண்டுகளாக ஆட்சியில் உள்ள அதிமுக அரசு தேர்தலில் வெற்றி பெற்றால் இலவச அரிசி வழங்குவதாகக் கூறுகிறது.

ரேஷன் அரிசி விலையை ரூ.2 ஆகக் குறைப்பதாக திமுகவும் கூறுகிறது. தமிழகத்தை மாறிமாறி ஆட்சி செய்த அதிமுகவும், திமுகவும் அவர்கள் ஆட்சி செய்தபோது இந்தத் திட்டங்களை ஏன் அமல் செய்யவில்லை?

தேர்தலில் வாக்காளர்களை ஏமாற்ற வேண்டும் என்ற நோக்கில், கவர்ச்சியான அறிவிப்புகளைச் செய்து வருகின்றன என்றார்.

தோல்வி பயத்தால் 10 கிலோ இலவச அரிசி வழங்குவதாக அறிவித்துள்ளார் ஜெயலலிதா - வீரமணி


ரேஷனில் ரூ.2-க்கு அரிசி வழங்குவோம் என்று திமுக தலைவர் கருணாநிதி அறிவித்தார். அவ்வாறு வழங்க முடியுமா என்று ஜெயலலிதாவும், அவருடன் தற்போது சேர்ந்துள்ளவர்களும் கேள்வி எழுப்பினர்.

ஏற்கெனவே 4 முறை முதல்வராக இருந்துள்ள கருணாநிதி நன்றாகச் சிந்தித்து, இந்தத் திட்டத்தை அறிவித்துள்ளார். இதனால், மக்கள் மத்தியில் அவருக்கு ஆதரவு பெருகியுள்ளது. அவரது தேர்தல் பிரசார நிகழ்ச்சிகளில் மக்கள் பெருந்திரளாக கூடி ஆதரவு அளித்து வருகிறார்கள்.

இந்நிலையில், தோல்வி பயத்தால் 10 கிலோ அரிசி இலவசமாகத் தருவேன் என்று இப்போது ஜெயலலிதா அறிவித்துள்ளார். 2 ரூபாய்க்கு அரிசி எப்படி தரமுடியும் என்று கேள்வி எழுப்பிய ஜெயலலிதாவால் 10 கிலோ அரிசியை எப்படி இலவசமாக அளிக்க முடியும்?

இந்த இலவச அரிசி வழங்கும் அறிவிப்பை தேர்தலுக்கு 3 மாதங்களுக்கு முன்னரே அவர் வெளியிட்டிருக்க வேண்டும் அல்லது அதிமுக தேர்தல் அறிக்கையிலாவது வெளியிட்டிருக்க வேண்டும். மக்கள் தங்களை நிராகரித்துவிடுவார்கள் என்ற பயத்தில் இந்த இலவச அரிசி அறிவிப்பை அவர் வெளியிட்டுள்ளார் என்றார் வீரமணி.


வாக்குகளை பெறவே இலவச ரேஷன் அரிசி - ஜி.கே.வாசன்

தோல்வி பயத்தாலேயே இலவச ரேஷன் அரிசி வழங்குவதாக முதல்வர் ஜெயலலிதா அறிவித்துள்ளார் என மத்திய இணை அமைச்சர் ஜி.கே.வாசன் கூறினார்.

திமுக தேர்தல் அறிக்கையில் ரூ.2-க்கு ஒரு கிலோ ரேஷன் அரிசி வழங்கப்படும் என அறிவித்துள்ளது. இந்நிலையில் தேர்தலில் தோல்வி ஏற்பட்டு விடும் என அஞ்சியே, முதல்வர் இலவச அரிசி வழங்கப்படும் என அறிவித்துள்ளார். இது வியப்பைத் தருகிறது.

ஜெவின் 'மயக்க பிஸ்கட்': ராமதாஸ்
திமுகவின் மலிவு விலை அரிசித் திட்டத்திற்குப் போட்டியாக 10 கிலோ அரிசி வாங்கினால் 10 கிலோ அரிசி இலவசம் என்று அறிவித்துள்ளார் ஜெயலலிதா.

அவருக்கு வந்துவிட்ட தோல்வி பயமே இதற்குக் காரணம். இதுவே திமுக அணிக்குக் கிடைத்த ¬தல் வெற்றியாகும்.

ஒரு சந்து முனையில் இருந்து இந்த அறிவிப்பை வெளியிட்டுள்ளார் ஜெயலலிதா. தேர்தல் அறிக்கையில் இடம்பெறாத புதிய வாக்குறுதியை அளித்துள்ளதன் மூலம் தேர்தல் நடத்தை விதியை மீறியுள்ளார் ஜெயலலிதா.

2001ல் ஆட்சிக்கு வந்தவுடன் நிதி நிலையை சரிப்படுத்த கசப்பு மருந்து தருகிறேன் என்று கூறி ஏகப்பட்ட வரிகளைப் போட்டு மக்களை வாட்டினார் ஜெயலலிதா.

இப்போது இலவச அரிசி என்று கூறி மயக்க பிஸ்கட் கொடுத்து மக்களை மயக்கப் பார்க்கிறார். இதை மக்கள் மன்னிக்க மாட்டார்கள் என்று கூறியுள்ளார் ராமதாஸ்.

ஜெ எப்படி இலவச அரிசி தருவார்? ஸ்டாலின்


திமுகவின் தேர்தல் அறிக்கையில் வெளியிடப்பட்டுள்ள அறிவிப்புகள் மக்கள் மத்தியில் பெரும் வரவேற்பைப் பெற்றுள்ளன.

அறிக்கையில் சொல்லப்பட்டுள்ள அத்தனையும் தவறாமல் நிறைவேற்றப்படும். இதுவரை எந்த கட்சியும் இப்படி ஒரு புரட்சிகரமான தேர்தல் அறிக்கையை வெளியிட்டதில்லை என்று மக்கள் பேசிக் கொள்கிறார்கள்.

திமுகவின் முக்கியமான அறிவிப்பு ஆளும் கட்சியை மிரட்டியுள்ளது. அதுதான் 1 கிலோ அரிசி 2 ரூபாய்க்கு என்ற வரலாற்றுச் சிறப்பு வாய்ந்த அறிவிப்பு. நாம் அறிவுத்தவுடன், அதற்கு மக்கள் வரவேற்பு கிடைத்தவுடன், வேக வேகமாக 10கிலோ அரிசி இலவசமாக வழங்கப்படும் என்கிறார்கள்.

1 கிலோ அரிசி 2 ரூபாய் என்று கலைஞர் அறிவித்தபோது அதை கடுமையாக விமர்சித்தவர்கள், எப்படி 10 கிலோ அரிசி இலவசம் என்று அறிவிக்கலாம்? அது என்ன நியாயம்?

எங்களால் கிலோ அரிசியை 2 ரூபாய்க்கு தர முடியாது என்று கூறி ஜெயலலிதாவால் மட்டும் எப்படி இலவசமாக அரிசியைக் கொடுக்க முடியும்?

எந்த நிபந்தனையுமின்றி 10 கிலோ இலவச அரிசி வழங்கப்படும் - ஜெ

ரேஷன் கடைகளில் ரூ. 3.50-க்கு வழங்கப்பட்டு வரும் 20 கிலோ அரிசியில் 10 கிலோ இலவசமாக வழங்குவோம் என்றும், 10 கிலோ அரிசி வாங்கினால்தான் 10 கிலோ இலவச அரிசி என்றில்லாமல் தேவைப்படுவோர் 10 கிலோ இலவச அரிசியை மட்டுமே பெற்றுக்கொள்ளலாம்

விஜயகாந்த்

நான் 30 ஆயிரம் கிலோ மீட்டர் சுற்றுப்பயணம் செய்து மக்களின் நாடித்துடிப்பை அறிந்து அதற்கேற்ப தேர்தல் அறிக்கை தயார் செய்தேன். எங்களது தேர்தல் அறிக்கையை பார்த்து கேலி செய்தவர்கள்.

இன்று அதில் உள்ள அம்சங்களை நிறைவேற்றுவதாக வாக்குறுதி அளித்து வருகின்றனர். ஏழைகளுக்கு 15 கிலோ அரிசி இலவசமாக அளிப்பதாக எங்களது கட்சி தேர்தல் அறிக்கையில் கூறியிருந்தோம்.

அதனால் மக்கள் அளித்த ஆதரவைப் பார்த்து இப்போது திமுகவும் அதிமுகவும் இலவசங்களை அள்ளி வீசி வருகின்றன.

இப்போது 10 கிலோ அரிசி இலவசமாகக் கொடுக்க முன்வந்திருக்கும் அதிமுக, கடந்த 5 ஆண்டு கால ஆட்சியில் இதைச் செய்திருக்கலாமே. அதுபோல் மத்திய ஆட்சியில் இடம் பெற்றிருக்கும் திமுக தமிழகத்தில் தொழில் திட்டங்களை எதையும் நிறைவேற்ற எந்த முயற்சியும் எடுக்கவில்லை.

அரிசி மட்டும் கொடுத்தால் போதாது என்பதால்தான் மளிகைப் பொருள்கள் வாங்குவதற்காக குடும்பத் தலைவி பெயரில் தபால் அலுவலகத்தில் ரூ. 500 டெபாசிட் செய்யப்படும் என்று அறிவித்தோம்.

இன்றைய அரிசி நிலவரம் :
மு.கருணாநிதி: ரேஷனில் கிலோ அரிசி 2 ரூபாய்க்கு வழங்கப்படும்.
விஜயகாந்த்: 15 கிலோ அரிசி இலவசமாக கொடுக்கப்படும்.
ஜெயலலிதா: 10 கிலோ அரிசி இலவசமாக அளிக்கப்படும்.